Profesor Guri i drejtohet Kushtetueses, kërkon njohjen e gjuhës shqipe në Maqedoninë e Veriut

Profesori Sazan Guri ka publikuar një letër drejtuar Gjykatës Kushtetuese të Maqedonisë së Veriut, ku kërkon që gjuha shqipe të shpallet gjuhë zyrtare në këtë shtet.

Ai ka shprehur shqetësim për diskutimin që do të zhvillohet nesër në Gjykatën Kushtetuese, duke e quajtur këtë situatë “turp dhe faqe të zezë” për vendin.

Në letrën e tij, Guri thekson se Maqedonia e Veriut, si shtet, ka një histori të veçantë dhe një popullsi që ka lindur nga vendime politike të pasluftës, duke përmendur ndërhyrjet e udhëheqësve si Stalini në vitin 1945.

Ai thotë se Maqedonia është një “Republikë pa emër” dhe nuk ka një identitet të qartë kombëtar.

Guri përfundon shkrimin e tij me një apel drejtuar institucioneve, duke kërkuar që të merren masa për një shtet të qëndrueshëm dhe të respektueshëm ndaj të gjithë grupeve etnike, duke përfshirë shqiptarët.