Ndërpritet përkohësisht furnizimi me ujë në Vushtrri për shkak të punimeve në gypin kryesor

Kompania Rajonale e Ujësjellësit “Mitrovica” ka njoftuar se do të ketë ndërprerje të përkohshme të furnizimit me ujë të pijes në tërë qytetin e Vushtrrisë, përfshirë edhe fshatrat.

Kjo ndërprerje është për shkak të punimeve që do të kryhen në gypin kryesor furnizues me diametër 700 mm.

Sipas njoftimit të KRU “Mitrovica” më 6 shkurt, e enjte, furnizimi me ujë pritet të rikthehet pasdite.