Atiqi kujton masakrën e 3 dhe 4 shkurtit: Viktimat u vranë vetëm se ishin shqiptarë

Kryetari i Komunës së Mitrovicës Veriore, Erden Atiq ka përkujtuar Masakrën e 3 dhe 4 shkurtit.

Ai ka thënë se në këto dy ditë u krye një ndër krimet më të rënda ndaj popullatës shqiptare, raporton Zeri.info.

Atiqi tha se viktimat e kësaj masakre u vranë vetëm se ishin shqiptarë.

“Sot kujtojmë me dhimbje viktimat dhe ripërsërisim zotimin tonë për drejtësi. Mitrovica do të mbetet gjithmonë qyteti i atyre që luftuan dhe sakrifikuan për lirinë, dinjitetin dhe të ardhmen e saj”, shkroi ai në një postim në Facebook. /Zëri