Po vazhdojnë punimet në ndërtimin e rrethrrotullimit te “Rruga C” [video]

Drejtori i Investimeve Kapitale në Komunën e Prishtinës, Krenar Xhaferi, i cili është edhe kandidat për deputet nga radhët e LDK-së, ka bërë të ditur se janë duke vazhduar punimet për ndërtimin e rrethrrotullimit në “Rrugën C” në kryeqytet.

Xhaferi në profilin e tij zyrtar në rrjetin social Facebook ka publikuar një video të punimeve në këtë pjesë të kryeqytetit.

“Nga terreni”, ka shkruar Xhaferi në mbishkrimin e videos.

Theksojmë se gjatë së shtunës në mes të “Rrugës C”, ka filluar ndërtimi i rrethrrotullimit, i cili, përveçse do të rrisë sigurinë në komunikacion, do të lehtësojë edhe lëvizjen për banorët e kësaj zone. /Zëri