25 vjet më parë UÇPMB-ja nisi përpjekjet për liri, Haradinaj: I përhershëm kujtimi për të rënët
Aktuale
January 26, 2025 - 12:41
25 vjet më parë, Ushtria Çlirimtare për Preshevë, Medvegjë dhe Bujanoc (UÇPMB) nisi përpjekjet e saj për liri, duke u bërë kështu dëshmi e pathyeshmërisë së shqiptarëve për të mbrojtur vendin e tyre.
Kështu të paktën shprehet kreu i AAK-së, Ramush Haradinaj.
Ai thotë se shqiptarët në Preshevë, Medvegjë e Bujanoc janë në të drejtën e tyre, në tokën e stërgjyshërve, teksa shton se kujtimi për të rënët është i përhershëm.
“UÇPMB, që sot njëzetepesë vjet nisi përpjekjen për liri, është dëshmi e pathyeshmërisë së shqiptarëve, për të mbrojtur vendin e qenësinë e tyre. Shqiptarët në Medvegjë, Bujanoc e Preshevë janë në të drejtën e tyre, në tokën e stërgjyshërve. I përhershëm kujtimi për të rënët”, ka shkruar Haradinaj në Facebook.
