Sot diplomon gjenerata e 61-të e Policisë së Kosovës

Sot do të mbahet ceremonia e diplomimit të gjeneratës së 61-të të Policisë së Republikës së Kosovës.

Ceremonia e diplomimit do të mbahet në sallën në “1 Tetori” në Prishtinë, prej orës 10:00, transmeton Zeri.info.

Policia ka njoftuar se nga ora 09:15 kadetët do të hyjnë në sallë duke marshuar. Sipas njoftimit, pjesëmarrës në këtë ceremoni sipas ftesave pritet të jenë personalitete të larta shtetërore dhe ndërkombëtare, familjarë të zyrtarëve policorë që do të diplomojnë dhe eprorë të Policisë së Kosovës. /Zëri