Krasniqi e uron Gucatin për zgjedhjen në krye të OVL-së së UÇK
Aktuale
January 18, 2025 - 16:38
Kryetari i PDK-së, Memli Krasniqi, e ka uruar Hysni Gucatin për zgjedhjen si kryetar i Organizatës së Veteranëve të Luftës së Ushtrisë Çlirimtare të Kosovës, në Kuvendin e pestë zgjedhor.
Krasniqi tha se me përvojën, vendosmërinë dhe përkushtimin e tij, të drejtat e veteranëve do të mbrohen fuqishëm.
“Me përvojën, vendosmërinë dhe përkushtimin e tij të dëshmuar, jam i bindur se të drejtat e veteranëve do të mbrohen fuqishëm dhe dinjitetshëm. PDK do të jetë gjithmonë në krah të atyre që sakrifikuan gjithçka për lirinë e Kosovës”, shkroi Krasniqi.
Hysni Gucati është zgjedhur sot në krye të OVL-së së UÇK-së, ku në kuvendin zgjedhor kundërkandidat e pati Nasim Haradinajn. Gucati mori 112 vota, kurse Haradinaj 95 sosh.
