Edi Rama mbledh kryesinë, zbardhen porositë për zgjedhjet e 11 majit

Kryetari i Partisë Socialiste, njëherësh kryeministri i Shqipërisë ka mbledhur ditën e sotme kryesinë në selinë rozë.

Të pranishëm kanë qenë edhe drejtuesit politik të qarqeve ndërsa në lidhje online morën pjesë edhe kryetarët socialistë të bashkive.

Në fokus të takimit kanë qenë përgatitjet për zgjedhjet e 11 Majit dhe vota e disaporës. Strukturave të socialistëve ju janë lënë edhe rreth 3 javë kohë për identifikimin e emigrantëve dhe regjistrimin në regjistrat e PS.

Gjithashtu në mbledhje janë zyrtarizuar ndryshimet e drejtesve politikë të PS në Dibër, Kukës, dhe në Tiranë. Rama ka zyrtarizuar sot Blendi Klosin si drejtues politik të qarkut të Dibrës, dhe kalimin e Blendi Gonxhjas në zonën e Kombinatit në Tiranë.

Po ashtu, u vendos që edhe ministri i Mbrojtjes, Pirro Vengu të angazhohet në Vlorë, krah drejtuesit politik të këtij qarku Bledi Çuçi.