Von der Leyen publikon video me hartën e BE-së pa Kosovën, i reagon Doris Pack
Kryetarja e Komisionit Evropian, Ursula von Der Leyen, ditën e djeshme publikoi një video përmes së cilës uroi Rumaninë dhe Bullgarinë për hyrje në zonën Schengen.
Në atë video u shfaq një hartë e vendeve anëtare të Schengenit, të cilat ishin të mbuluara me ngjyrë të kaltër, ndërsa vendet jashtë zonës ishin të mbuluara me ngjyrë të bardhë.
Në këtë zonë bën pjesë edhe Kosova, sikurse edhe vendet tjera të rajonit, si Kosova, Shqipëria, Maqedonia e Veriut, Mali i Zi, Bosnja e Serbia.
Por, kufiri mes Kosovës dhe Serbisë në këtë hartë del të jetë inekzistent.
Për këtë kanë reaguar shumë përdorues në rrjetin social X, e ndër ta edhe politikania gjermane, Doris Pack.
“Ku është shteti i Kosovës”, shkroi ajo, teksa shpërndau postimin e von der Leyen.
Deri më tani nuk ka pasur asnjë reagim nga ana e shefes së KE-së.
Today Romania and Bulgaria become full members of the Schengen area.
— Ursula von der Leyen (@vonderleyen) January 1, 2025
Congratulations to both countries.
You have shown vision, patience and determination.
You belong in Schengen.
It's time to benefit in full from Schengen freedoms. pic.twitter.com/jHLDP1H2Zr
