Hovenieri me Osmanin festuan Krishtlindjet në kampin “Bondsteel”: Ushtarët tanë po kontribuojnë për një Kosovë të sigurt

Ambasadori amerikan, Jeff Hovenier, ka bërë me dije se kanë festuar Krishtlindjet në kampin “Bondsteel”, bashkë me presidenten Vjosa Osmani dhe familjen e saj.

Hovenieri në një shkrim në Facebook ka thënë se Osmani iu bashkua festës me ushtarët e KFOR-it, që po shërbejnë larg nga familjet e tyre.

“Laura dhe unë ishim të nderuar që presidentja Vjosa Osmani dhe familja e saj na u bashkuan në kampin ‘Bondsteel’ për të festuar Krishtlindjen me ushtarët e SHBA-së dhe NATO-s, që po shërbejnë larg nga familjet e tyre dhe po kontribuojnë çdo ditë për një Kosovë të sigurt dhe paqësore. U uroj festa të lumtura të gjithë atyre që po festojnë në Kosovë dhe në botë”, ka thënë ai.