Presidentja Osmani uron Krishtlindjet

Presidentja e Kosovës Vjosa Osmani ka uruar qytetarët me rastin e Krishtlindjeve.

Osmani në urimin e saj shkruar se festa e Krishtlindjes është një mundësi reflektimi për shpresën, bujarinë dhe bashkimin – një periudhë kur na kujtohet fuqia e dashurisë dhe shpresës.

“Në këtë ditë ne çmojmë posaçërisht lidhjet dhe traditat që na bashkojnë. Krishtlindja është frymëzim që na kujton të gjithëve se përballë sfidave, duhet të triumfojë shpresa.

Uroj të gjithë besimtarët e krishterë për Krishtlindje me shumë dashuri, gëzim dhe paqe! Le të na frymëzojë kjo festë për një të ardhme me shpresë të pakufishme!

Gëzuar për shumë mot Krishtlindjen!”, thuhet në urimin e Presidentes. /Zëri