KQZ-ja s’e akrediton Listën Serbe

Anëtarët e Komisionit Qendror të Zgjedhjeve (KQZ) nuk kanë akredituar Listën Serbe për të marrë pjesë në zgjedhjet e 9 shkurtit 2025.

Edhe pse Zyra për Regjistrimin dhe Akreditimin e subjekteve politike rekomandoi që Lista Serbe të akreditohet për zgjedhjet e përgjithshëm, ishin dy vota kundër, dy për dhe shtatë abstenime.

Ndërkaq, përfaqësuesi i Partisë Demokratike në KQZ, Arianit Elshani, ka kujtuar se verifikimi i listave të kandidatëve ka kaluar nëpër disa institucione dhe asnjë prej tyre nuk ka dhënë ndonjë vërejtje.

Elshani kujtoi se edhe Ministria e Punëve të Brendshme nuk ka dhënë asnjë vërejtje për listën kandidatëve të subjektit politik.

“Të gjithë ne e dimë se kush është Lista Serbe. Është mirë që edhe institucionet e Kosovës të na tregojnë se kush është ky subjekt politik”, ka thënë Elshani. /telegrafi