Emërimi i gjyqtares serbe në krye të Gjykatës në Preshevë, Bislimi: BE-ja të reagojë urgjent dhe ta ndalë këtë diskriminim
Zëvendëskryeministri i vendit, Besnik Bislimi, ka reaguar pasi Këshilli i Lartë Gjyqësor në Serbi e ka emëruar së fundmi Aleksandra Kuzmanoviqin në krye të Gjykatës për Kundërvajtje në Preshevë.
Sipas Bislimit, ky vendim thellon margjinalizimin e profesionistëve shqiptarë, duke përforcuar pabarazinë në institucionet vendimmarrëse në Luginë të Preshevës.
“Tre zëvendësprokurorë shqiptarë në pension janë zëvendësuar me serb. Në rrethin e Pçinjës shqiptarët zënë vetëm 12% të posteve gjyqësore dhe përbëjnë vetëm 2.7% të gjyqtarëve pavarësisht se përbëjnë 30% të popullsisë. Në vitin 2011 është shpërbërë edhe Gjykata Themelore (Komunale) në Preshevë”.
“Ushtruesi i detyrës së drejtorit të Qendrës Shëndetësore të Preshevës ka qenë mjek serb për 2 vjet, ndërsa serbët përbëjnë vetëm 3% të popullsisë në këtë zonë. Angazhimi i Serbisë për të drejtat e pakicave është inekzistent”, shkroi Bislimi.
Tutje, ai tha se është urgjente që BE të reagojë dhe të ndalojë këtë diskriminim agresiv të shqiptarëve në Luginë të Preshevës.
1/3 The High Council of the Judiciary in Serbia recently appointed Aleksandra Kuzmanovië as the head of the Misdemeanor Court in Presheva. This decision deepens the marginalization of Albanian professionals, reinforcing inequalities in decision-making institutions.
— Besnik Bislimi (@BislimiBesnik) December 3, 2024
3/3 The acting director of the Presheva Health Center has been a Serbian doctor for 2 years while Serbs make up only 3% of the population in the area. Serbia's commitment to minority rights is inexistent. It is urgent for the EU to react & stop this aggressive discrimination.
— Besnik Bislimi (@BislimiBesnik) December 3, 2024
