Petkoviqi thotë se nga nesër fillon pagesa e drekës nga Vuçiqi për fëmijët serbë në Kosovë
Drejtori i Zyrës për Kosovë në Qeverinë e Serbisë, Petar Petkoviq, ka thënë se në kuadër të masave qeveritare serbe, nga nesër fillon pagesa e drekës për fëmijët serbë në Kosovë.
Petkoviq sipas kosovo-online, thotë se 17559 fëmijë do ta marrin këtë masë dhe se Serbia i ka paratë.
”Do të përfshihen fëmijët në institucionet parashkollore dhe nxënësit në shkollat ëfillore dhe të mesme. Nga nesër do të gjenden para në llogaritë e prindërve për çdo fëmijë që është në kopsht apo në shkollat ëfillore dhe të mesme”, transmeton klankosova.tv.
”Shuma në fjalë është 5000 dinarë për fëmijë. [Bazuar në kursin aktual të këmbimit, shënon 42.50 euro]. Çdo muaj pasardhës, pagesa do të bëhet deri në datën e pestë të muajit. Më së shumti do të përfitojnë personat më të cenueshëm socialë”.
”Idenë për këtë masë e ka sjellë presidenti Aleksandar Vuçiq. Ka edhe një seri masash të ndryshme për të cilat do të diskutojmë kur të vijë koha, e cila do të jetë shumë shpejt”, tha Petkoviq ndër tjera.
