Policia e Kosovës me apel për të gjithë shoferët
Aktuale
November 13, 2024 - 08:37
Policia e Kosovës ka dalë me një apel për të gjithë ngasësit e automjeteve, shkruan Zeri.info.
Sezoni dimëror po afrohet dhe Policia ka bërë apel që të gjithë shoferët t’i fillojnë përgatitjet për mjetet e tyre dhe të kenë kujdes gjatë vozitjes.
“Nga data 15 nëntor deri 15 mars kërkohet që mjetet në qarkullim t’i kenë pajisjet dimërore. Apelojmë për të gjithë shoferët të fillojnë përgatitjen e mjetit dhe të jenë të kujdesshëm gjatë këtij sezoni dimëror!”, thuhet në njoftimin e Policisë. /Zëri
