Abdixhiku: Zgjedhjet e 9 shkurtit përcaktojnë fatin e Republikës së Kosovës

Kryetari i Lidhjes Demokratike të Kosovës Lumir Abdixhiku, ka deklaruar se zgjedhjet e 9 shkurtit nuk bëhen për të përcaktuar vetëm një kryeministër, por për të përcaktuar fatin e Republikës së Kosovës.

“Si një shtet në zhvillim, me njerëz që e bëjnë jetën këtu, si një shtet i hapur në rrjedhën e lumeve botërore, apo si një vend i zymtë i propagandës, i përçarjes, i mbylljes, i sanksioneve, si një vend i zbrazjes së dhimbshme”, tha Abdixhiku.

“Këtë zgjedhje unë e kam të qartë, këtë zgjedhje ju të dashur qytetarë të Prishtinës duhet ta keni të qartë”, theksoi ai.

LDK sot po e mban “tubimin e ndryshimit” nën moton “Lumir 2025, bëhu ndryshimi”.

Aty, ky subjekt politik do t’i prezantojë edhe kandidatët për deputet që do të garojnë në zgjedhjet e 9 shkurtit.