Tomë Gashi insiston: Astrit Dehari është vrarë 100 për qind për arsye politike

Avokati Tomë Gashi ka folur në lidhje me rastin e Astrit Deharit, duke e konsideruar vrasje vdekjen e tij.

Ai këtë e ka konsideruar si një rast të dhimbshëm, duke thënë se është vrarë për arsye 100 për qind politike.

“Duhet të themi që në prizmin tim ky është rasti më i dhimbshëm që ka ndodhur pas luftës në Kosovë, pas përfundimit të luftës, është vrarë një djalë i ri në Qendrën e Paraburgimit në Prizren, arsyet kanë qenë 100 për qind politike”, tha Gashi në Klan Kosova.

“Deri më tani i kemi pasur katër prokurorë të cilët e kanë pasur rastin, që e kanë bartur prej Prizrenit në Prishtinë, prej Prokurorisë Themelore në Prizren, në Prokurorinë Speciale në Prishtinë. Disa prej tyre e kanë mbajtur rastin me vite të tëra”, është shprehur ai.