Deputeti Ramadani i kundërvihet propozimit të PDK-së: E vërteta është që ne e kemi shkapur RTK-në
Foto: Laura Hasani

Deputeti Ramadani i kundërvihet propozimit të PDK-së: E vërteta është që ne e kemi shkapur RTK-në

Aktuale November 04, 2024 - 13:01

Lëvizja Vetëvendosje, përmes deputetëve të saj të pranishëm në Kuvend, i është kundërvënë propozimit të PDK-së për shkarkimin e anëtarëve të Bordit të RTK-së.

Deputeti i LVV-së, Valon Ramadani, ka thënë se me ardhjen e kësaj partie (LVV) në pushtet RTK-ja, sipas tij është “shkapur” nga keqpërdorimet që janë bërë në të (RTK).

Ai ka thënë se më herët në RTK kanë qenë të punësuar mbi 1100 veta e tani, siç ka deklaruar ai, janë 740.

“PDK-ja po dëshiron që të shkarkojë një bord i cili prej 7 anëtareve, 3 kanë dhënë dorëheqje, ndërsa dy prej tyre u skadon mandati dhe tashmë konkursi është i hapur për ta. Dëshiron që t’i shkarkojë ata që kanë dhënë dorëheqje. Halli është që këtyre ju ka humbur kontrolli mbi RTK-në që e kanë pasur me vite të tëra. E kanë hallin që në RTK tani punësohen me meritokraci. Më herët në RTK kanë qenë mbi 1100 persona, tani janë 740, këta kanë qenë militant partiake që janë shërbyer për angazhimin e tyre duke u paguar nga taksat e këtij vendi. Asnjë prej tyre s’ka bërë ankesë për shkëputje të kontratave. E vërteta është që ne e kemi ‘çkapur’ RTK-në, e për ju çkapja është kapje”, ka thënë ai.