E bija e Ukshin Hotit institucioneve: Qe sa aplikoj për punë e s’ka sukses, jam nënë vetushqyese e një fëmije me nevoja të veçanta

E bija e Ukshin Hotit institucioneve: Qe sa aplikoj për punë e s’ka sukses, jam nënë vetushqyese e një fëmije me nevoja të veçanta

Erleta Hoti, e bija e veprimtarit të njohur Ukshin Hoti, së fundi reagoi në lidhje me një çështje bazike që atë e preokupon tash e sa kohë.

Ajo, me anë të një statusi të lëshuar në llogarinë e saj në Facebook, u është drejtuar me një ankesë institucioneve qeveritare dhe komunale të Prishtinës.

Hoti ka thënë se tash e sa kohë aplikon për vende të ndryshme pune, por që pa sukses, duke pasur parasysh që gëzon kualifikimet

“Qe sa kohë kam konkuruar për një vend pune tek pozitat e ndryshme që i posedoni, por deri më tash me asnjë sukses. Po ashtu, përveç kualifikimeve adekuate e gëzoj të drejtën ligjore, ku kanë përparësi fëmijët me prind të cënuar nga lufta.”, ka shkruar Hoti.

E ajo duke u shprehur me shpresën se ndonjë nga institucionet publike do t’i hapë dyert për të, ka kujtuar faktin se është edhe nënë vetushqyese e një fëmije me nevoja të veçanta.

“Të drejtë që rrallë e shfrytëzoj, veçse në rastet kur jam e papunë dhe nuk posedoj të drejta bazike për mbijetesë si prind vetushqyes për fëmiun tim, që është me nevoja të veçanta”, shkruan tutje ajo.