Musliu: Kurti në fushatë ishte si një papagall i lazdruar
Deputetja e Partisë Demokratike të Kosovës, Ganimete Musliu, në seancën e jashtëzakonshme të thirrur nga opozita ka kritikuar Qeverinë në pushtet për punën që ka bërë gjatë këtij mandati.
Musliu përmendi parullat në fushatat e LVV-së, ku thuhej se do t’i arrestojnë hajnat, teksa ka thënë se sot kjo i është kthyer në realitet për aktivistët e vet.
“Parullat në fushatën e kaluar zgjedhore hajnat në burg do ta bëjmë Dubravën 12 kat, përsëriste si një papagall i lazdruar nëpër fushatë dhe shquhej në çështjet e popullit që i besonte. Albin Kurtit nuk e kishte për qëllim që të arrestojë hajnat e vet, por kërcënonte dhe tentonte të shantazhonte oponentët politikë, ky ishte skenari i rrenave të Albinit, por ja që skenari i fushatës sot po i kthehet në realitet. Po i kthehet në një realitet të hidhur për aktivistët e vet të cilët pa asnjë fije turpi zaptuan në mënyrë të paligjshme pozitat e larta në ndërmarrjet shtetërore dhe jo vetëm. E njëjta tentativë për të shantazhuar kundërshtarët politikë vërehet tash me paralajmërimet lidhur me materialet e sekuestruara në vilën e Radoiçiq dhe çudia është se këto materiale nuk po i publikon”, ka deklaruar Musliu në Kuvend.
