Mbyllet konkursi, për 300 vende në FSK, aplikuan mbi 1600 persona
Ministria e Mbrojtjes ka njoftuar se është mbyllur konkursi për pranimin e ushtarëve të rinj.
Nga 300 vende të hapura për pranimin e rekrutëve të rinj, kanë aplikuar 1658 persona, transmeton Zeri.info.
Ministria në njoftim ka thënë se brenda katër viteve janë hapur katër konkurse për pranimin e ushtarëve dhe katër të tjerë për pranimin e kadetëve, e në secilin prej këtyre konkurseve është shfaqur interesim i lartë i të rinjve për aplikim.
“Numri total i të rekrutuarve në Forcën e Sigurisë së Kosovës përgjatë periudhës 2021-2024 ka arritur në 2271, duke dyfishuar kësisoj pothuajse numrin total të ushtarakëve të FSK-së.Ushtria e Kosovës po rritet në numër, po konsolidohet me kapacitete profesionale dhe sisteme më moderne të armatimit.FSK, KRENARIA JONË!”, thuhet në njoftim. /Zëri
