Haradinaj: Kurti i ka trajtuar pensionistët në mënyrën më mizore

Ditën e hënën Qeveria e Kosovë erdhi me një lajm të mirë për pensionistët.

Këtë sihariq, ua dhanë kryeministri i Kosovës Albin Kurti, dhe ministri i Financave, Punës dhe Transfereve, Hekuran Murati.

Ata njoftuan se rritja e pensioneve u bë për 20 për qind.

Kryetari i Aleancës për Ardhmërinë e Kosovës (AAK), Ramush Haradinaj, këtë rritje e quajti lëmoshë.

“Nuk është befasi. Ne e kemi pritur që e bën këtë Kurti, ai i ka trajtuar pensionistët në mënyrën më mizore gjatë këtyre viteve. Mizore se nuk është njerëzore ky trajtim që e ka bërë ai”, tha Haradinaj në Klan Kosova.

Kreu i AAK-së paraqiti edhe një pjesë të planprogramit zgjedhor për pensionistët.

Sipas tij, në mandatin e tij qeverisës pensionistët do të përfitojnë rritje prej 90 për qind, duke shpjeguar edhe se si do të ndodh kjo.