Nisin stërvitjet e 300 ushtarëve britanikë që ateruan mbrëmë në Prishtinë

Kontingjenti ushtarak britanik, i përbërë nga më shumë se 300 trupa, që arriti mbrëmë në Prishtinë, ka filluar menjëherë trajnimet për siguri.

Personeli i Mbretërisë së Bashkuar, sot në Kosovë ka zhvilluar trajnime për të testuar procedurat e mbështetjes mjekësore,

Përmes postimeve në X nga ana e KFOR-it, thuhet se këto trajnime janë kyçe për të mbrojtur standardet më të larta operative dhe gatishmërinë për të trajtuar të gjithë skenarët e mundshëm të sigurisë.

“Sot, personeli i Mbretërisë së Bashkuar i caktuar në forcat rezervë në mbështetje të misionit të KFOR-it të udhëhequr nga NATO kreu aktivitete trajnimi për të testuar procedurat e mbështetjes mjekësore për operacionet”, thuhet në postimin e KFOR-it.

“Këto aktivitete të rregullta trajnimi janë kyçe për të mbrojtur standardet më të larta operative të KFOR-it dhe gatishmërinë për të trajtuar të gjithë skenarët e mundshëm të sigurisë”.

Këto trajnime parashihet të vazhdojnë deri në fund të tetorit.

Today, UK personnel assigned to reserve forces in support to the #NATO-led #KFOR mission conducted training activities to test procedures of medical support to operations. pic.twitter.com/l5AE2BqWJM

— NATO Kosovo Force - KFOR (@NATO_KFOR) September 19, 2024