FSK-ja vazhdon ushtrimet për mbrojtjen e territorit të Kosovës

Ministri i Mbrojtjes, Ejup Maqedonci, ka njoftuar se në kuadër të ushtrimit “Arrow Delta 01”, togu i rikonicionit dhe togu i mortajave nga Regjimenti i Tretë i Këmbësorisë janë duke demonstruar testimin e kapaciteteve të tyre për mbështetjen e operacioneve mbrojtëse dhe aftësive të liderëve kyçë.

Duke shpërndarë disa fotografi të ushtarëve në rrjetin social Facebook, ministri thotë se krahas furnizimit me pajisje dhe sisteme të armatimit, trajnimi dhe testimi i shkathtësive individuale dhe ekipore janë shtylla tejet të rëndësishme për zhvillimin e aftësive luftarake të njësive të FSK-së.

Postimi i plotë:

Me qëllim përgatitjen për të qenë e aftë për të ushtruar njërën nga tri detyrat kyçe të misionit të saj, mbrojtjen e territorit, Forca e Sigurisë e Kosovës po vazhdon përgatitjen dhe trajnimin e njësiteve të saj.

Në kuadër të ushtrimit “Arrow Delta 01”, togu i rikonicionit dhe togu i mortajave nga Regjimenti i Tretë i Këmbësorisë janë duke demonstruar testimin e kapaciteteve të tyre për mbështetjen e operacioneve mbrojtëse dhe aftësive të liderëve kyçë.

Krahas furnizimit me pajisje dhe sisteme të armatimit, trajnimi dhe testimi i shkathtësive individuale dhe ekipore janë shtylla tejet të rëndësishme për zhvillimin e aftësive luftarake të njësive të FSK-së.