Njësitë e KFOR-it përfundojnë stërvitjen në Bosnjë, kthehen në Kosovë
Njësitë e misionit të KFOR-it të udhëhequr nga NATO-ja që kanë marr pjesë në stërvitjen e Forcave të Bashkimit Evropian (EUFOR) në Bosnjë dhe Hercegovinë “Quick Response 2024”, po ridislokohen në Kosovë, duke filluar nga sot, pas përfundimit të kësaj stërvitje.
Në një njoftim, thuhet se personeli dhe asetet e KFOR-it do të përdorin transportin tokësor.
“Banorët vendas mund të presin kështu një rritje të trafikut rrugor, duke përfshirë përgjatë rrugëve kryesore dhe në pikat e kalimit.Nëpërmjet “Quick Response 2024” trupat e KFOR-it dhe EUFOR-it kryen një sërë aktivitetesh të përbashkëta për të testuar procedurat e menaxhimit të krizave dhe gatishmërinë operacionale”.
“KFOR-i vazhdon të zbatojë mandatin e tij në Kosovë – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i vepron si reaguesi i tretë i sigurisë, në koordinim të ngushtë me Policinë e Kosovës dhe misionin e BE-së për Sundimin e Ligjit (EULEX), të cilët janë përkatësisht reaguesit e parë dhe të dytë të sigurisë”, thuhet në komunikatën për media nga KFOR-i. /Zëri
