Bajrami: Mandati i qeverisë “Kurti” po përfundon me manipulime me shifra
Deputetja e Lidhjes Demokratike të Kosovës, Hykmete Bajrami, ka thënë se mandati i qeverisë “Kurti” po përfundon me manipulime me shifra.
Duke reaguar ndaj deputetit të pushtetit, Armend Muja, i cili tha se falë Qeverisë 1 miliard euro janë më shumë në buxhet të shtetit.
Për këtë, deputetja e LDK-së ka përmendur premtimet që janë bërë nga kryeministri Albin Kurti.
“Gati katër vjet mandat kanë shkuar duke manipuluar me shifra. Inflacioni gjatë qeverisjes suaj i ka kushtuar ekonomisë këtij vendi 1.6 miliard euro. Dhe sot ju thuani se i ke i sjellë miliarda euro buxhet të Kosovës. Po zotëri po si i keni marrë këto miliarda, prej gjepave të qytetarëve… Çka me premtimin e juaja për qumësht më të lire, për vaj me të lirë, për sheqer më të lirë, këtyre produkteve u është dyfishuar çmimi e juve ju janë dyfishuar tatimet, duke mundësuar të rritet buxheti i Kosovës, mos flisni për politika fiskale. A e dini që ministri i Financave qe është këtu ende e ka drejtor të Administratës Tatimore që ia ka caktuar Bedri Hamza në qeverisjen PAN, jashtë kritereve ligjore, jashtë rregullave përmes një konkursi të manipuluar”, u shpreh ajo
