Izet Mexhiti për vizitë zyrtare në SHBA

Nënkryetari i Parë i Qeverisë dhe Ministri i Mjedisit dhe Planifikimit Hapësinor, Izet Mexhiti, ndodhet për vizitë zyrtare në Shtetet e Bashkuara të Amerikës, ku me ftesë të Këshillit Atlantik do të marrë pjesë në Takimin e 9-të Ministror kushtuar në Evropën Qendrore dhe Lindore në Konferencën e Sigurisë së Energjisë.

Zëvendëskryeministri i parë Mexhiti do të jetë një nga folësit në Panel diskutimi me temën “Tregtia transatlantike, energjia dhe politika klimatike, pas një viti zgjedhor”.

Gjatë qëndrimit në Uashington, zëvendëskryeministri i parë Mexhiti do të takohet me përfaqësues të shteteve pjesëmarrëse në Konferencën e Këshillit Atlantik të këtij viti.