Numër i shtuar i policëve në Jarinjë, situata aktualisht e qetë [foto]

Një numër më i shtuar i policëve janë parë të premten në Jarinjë, pas paralajmërimeve të protestave të serbëve në pikat kufitare nga ana e Serbisë.

Aktualisht në këtë pikë kufitare situata është e qetë me numër më të vogël të qarkullimit, derisa Policia e Kosovës po i njofton secilin qytetarë që po kalon në pjesën e Serbisë përmes pikës kufitare në Jarinjë, për protestën e paralajmëruar, raporton Zeri.info.

Kjo protestë ishte paralajmëruar nga kryetari i së ashtuquajturës “Shoqatë e qytetarëve të Qarkut të Mitrovicës për Kosovë”, Rasha Rojeviq, i cili ditë më parë ka njoftuar se sot do të fillojë bllokada shumëditore e pikave kufitare drejt Kosovës – Merdar, Jarinje dhe Bërnjak. /Zëri