Deputeti i LVV-së: Keni pritur sa vjet, prisni edhe disa ditë e ura do të hapet

Deputeti i Lëvizjes Vetëvendosje, Adnan Rrustemi, tha se për 25 vjet radhazi veriu i Kosovës ka qenë zonë e paprekur nga autoritet shtetërore, derisa potencoi se në atë pjesë kanë sunduar strukturat paralele.

Rrustemi thotë se për dallim nga atëherë, tashmë veriu ka një realitet krejt ndryshe, madje sipas tij i pakrahasueshëm.

“25 vjet e ka pasur atë zonë të paprekur nga autoritetet shtetërore, kanë sunduar strukturat paralele. Radoiçiqi ta ka vendosur rregullin dhe ligjin atje. Prania e dinarit thua që është monedhë me valutë zyrtare në Kosovë, rrugë të trafikimit e të kontrabandës. Këto nuk janë manovra, janë veprime institucionale për të zbatuar ligjin edhe kushtetutën edhe në atë pjesë të Kosovës, në të cilën nuk ishin zbatuar asnjëherë përgjatë 25 vjet. Sot është realiteti krejt ndryshe dhe i pakrahasueshëm dhe kështu do të vazhdojë”, tha ai në Tëvë1.

Ndërkohë, sa i përket hapjes së urës mbi lumin Ibër, ai tha se ajo urë s’mund të ketë destinacion tjetër, përveç hapjes.

“Keni pritur disa vjet, pritni edhe disa ditë. Ama ura do të hapet. Nuk mund të cek datë, por po them që ura nuk mund të ketë destinacion tjetër, përveçse hapjes për qarkullim dhe për t’u shërbyer dy pjesëve të vendit dhe qytetarëve të Kosovës”, potencoi Rrustemi.