![NATO-ja kërkon nga Serbia përgjegjësi për aktet e dhunës që ndodhën në veri të Kosovës](/uploads/zeri.info/images/2024/August/21/auto_GVftyYuXAAEe7Yl1724236161.jpg)
NATO-ja kërkon nga Serbia përgjegjësi për aktet e dhunës që ndodhën në veri të Kosovës
Ndihmëssekretari i NATO-s, Boris Ruge, pas vizitës në Kosovë, ku është takuar me zyrtarë të shtetit, ka vazhduar vizitën e tij në Serbi.
Ruge është takuar sot me presidentin serb Aleksandar Vuçiq. Përmes një postimi në “X”, Ruge ka shkruar se NATO-ja pret nga Serbia që të ndihmojë në sigurimin e përgjegjësisë për aktet e dhunës që ndodhën veri gjatë vitit të kaluar.
“Diskutim i mirë me presidentin Aleksandar Vuçiq për marrëdhëniet e NATO-s me Serbinë, të cilat shpresojmë t’i shohim të thelluara. Ne diskutuam gjithashtu çështjet rajonale, duke përfshirë sigurinë e qëndrueshme në Kosovë. NATO-ja pret që Serbia të ndihmojë në sigurimin e përgjegjësisë së plotë për aktet e dhunës të majit dhe shtatorit 2023”, shkroi Ruge.
Good exchange with President @avucic on NATO #Serbia relations which we hope to see deepened. We also discussed regional issues, including lasting security in Kosovo. #NATO looks to Serbia to help ensure full accountability for the violent acts of May & September 2023. pic.twitter.com/Pkf096abxR
— Boris Ruge (@RugeBoris) August 21, 2024