Faton Ahmeti emërohet ushtrues detyre i kryeshefit të “Trepçës”
Aktuale
August 02, 2024 - 20:11
Bordi Mbikëqyrës i ndërmarrjes “Trepça” ka emëruar Faton Ahmetin si ushtrues detyre të kryeshefit, duke zëvendësuar Bashkim Kurtin.
Ahmeti ka mbajtur deri tani pozitën e zëvendëskryeshefit.
Emërimi i Bashkim Kurtit në pozitën e kryeshefit u anulua më 23 korrik nga Gjykata Themelore në Mitrovicë, pas ankesës së kundërkandidatit Burim Asllani, i cili pretendoi se ishin bërë parregullsi në procesin e përzgjedhjes nga Bordi.
Kurtin ishte emëruar si kryeshef në janar të këtij viti.
Bordi i “Trepçës” shprehu falënderime për Kurtin për angazhimin dhe kontributin e tij në këtë periudhë.
