![Hoxhaj viziton Thaçin e Veselin në Hagë: Janë të fortë e me shëndet të mirë](/uploads/zeri.info/images/2024/July/26/auto_671987-DuGhxPUwub1722027220.jpg)
Hoxhaj viziton Thaçin e Veselin në Hagë: Janë të fortë e me shëndet të mirë
Aktuale
July 26, 2024 - 22:53
Deputeti i Partisë Demokratike të Kosovës, Enver Hoxhaj ka vizituar sot në Hagë, ish presidentin Hashim Thaçi dhe kryetarin e PDK-së, Kadri Veseli.
Hoxhaj, përmes një postimi në rrjetin social Facebook, ka bërë të ditur se ish-presidenti Thaçi dhe kryetari Veseli, janë të fortë dhe me shëndet të mirë.
“Sot, në Hagë vizitova Presidentin Thaçi dhe Kryetarin Veseli. Ishin moralisht të fortë dhe me shëndet të mirë. Si çdoherë, me përkushtimin e tyre për liri, paqe e drejtësi, edhe sot fatin e tyre e shohin në shërbim të fatit të Kosovës!”, ka shkruar ai.