Zana Spahiu jep dorëheqje pasi bordi i RTK-së s’ia miratoi kërkesën për suspendimin e Rilind Gërvallës

Zana Spahiu ka ofruar dorëheqje nga ushtruesja detyrës së drejtoreshës në Radio Televizionin e Kosovës.

Kjo u bë e ditur nga vetë televizioni publik në lajmet e orës e 23:00, ku thuhet se dorëheqja e saj është efektive nga 30 korriku.

Dorëheqja e saj vjen pasi RTK ditë më parë ka publikuar një artikull nga një medium boshnjak, i cili përmend dy media kosovare se ‘financohen’ nga Serbia për të dëmtuar Qeverinë e Kosovës.

Bëhet e ditur se si arsyeje e dorëheqjes është pasi Saphiu kishte propozuar suspendimin e Rilind Gërvallës dhe krijimin e një komisioni Ad Hoc pas zhvillimeve të fundit.

Ky artikull më pas ishte shpërndarë nga disa deputetë të LVV-së.

Për artikullin e publikuar janë distancuar edhe disa redaktorë të mediumit publik, ndërsa Bordi i RTK-së kishte kërkuar nga menaxhmenti themelimin e një komisioni për sqarim të detajuar të rastit.

Për artikullin e publikuar ka raguar edhe redaktori i lajmeve, Jeton Musliu, i cili edhe është distancuar nga ky publikim.

Ai madje tha se kishte presion të vazhdueshëm nga Rilind Gërvalla, drejtor i TV, dhe Leonora Bërbatovci, për lajmin e “Slobodna Bosna”, përmes të cilit pretendohej se dy portalet, Nacionale dhe Periskopi financohen nga Serbia.

Kryetari i bordit të RTK-së, Besnik Boletini tha se dorëheqja është më e lehta.

Ai ka treguar se të enjten është krijuar komisioni Ad-Hoc për shqyrtimin e lajmit kontrovers të transmetuar në RTK.

Lidhur me rastin ka pasur edhe nga Asociacioni i Gazetarëve të Kosovës, e disa organizata ndërkombëtare.