Mbyllen edhe dy pompa të “Nish Petrollit” në veri
Aktuale
July 22, 2024 - 15:16
Janë mbyllur sot edhe dy pompa të derivateve në veriun e vendit.
Një nga to në Zveçan dhe një Leposaviq, pika këto që i takonin kompanisë serbe “Nish Petroll”.
Kjo u bë e ditur nga Ministria e Ndërmarrësisë dhe Tregtisë (MINT), shkruan Zeri.info.
Javën e kaluar në veri u mbyllën edhe tri pompa të kësaj kompanie, që vepronin ilegalisht në veri.
Agjencia Kosovare e Privatizimit ua kishte ndërprerë kontratat e qirasë.
Këto pika kishin punuar pa licencë, derisa dy prej tyre nuk ishin as të fiskalizuar, siç bëri të ditur AKP-ja para disa ditësh.
