![Kurti: Anëtarësimi i Kosovës në NATO mbetet synim i qartë](/uploads/zeri.info/images/2024/July/16/auto_ZKP_ZKM_16_7_2024_11721122117.jpg)
Kurti: Anëtarësimi i Kosovës në NATO mbetet synim i qartë
Kryeministri i Kosovës, Albin Kurti, e priti sot në takim Ambasadorin e Suedisë në Kosovë, Jonas Westerlund, shefin e SIDA-s në Kosovë, Henrik Riby, dhe përfaqësuesin e organizatës Grupi Ballkanik për Hulumtim të Politikave, Naim Rashiti.
Kryeministri Kurti e uroi ambasadorin Westerlund për fillimin e mbarë të anëtarësisë së Suedisë në NATO, ndërkohë që theksoi se anëtarësimi i Kosovës në po këtë organizatë mbetet synim i qartë dhe angazhim i vazhdueshëm i institucioneve të Republikës së Kosovës.
![Image](https://zeri.info/uploads/zeri.info/images/2024/July/16/auto_ZKP_ZKM_16_7_2024_21721122119.jpg)
Kurti e falënderoi ambasadorin Westerlund për përkrahjen ndaj Kosovës në procesin e integrimeve evropiane dhe për ndihmën e dhënë për shumë projekte zhvillimore, e përfshirë këtu projektin ‘Ndërtimi i Paqes dhe Avancimi i Agjendës Evropiane’, që menaxhohet nga Grupi Ballkanik për Hulumtim të Politikave/BPRG, e i cili mbështet një numër ekspertësh ndërkombëtarë e vendorë. /Zëri
![Image](https://zeri.info/uploads/zeri.info/images/2024/July/16/auto_ZKP_ZKM_16_7_2024_31721122121.jpg)