Hapet sot tuneli i Llogarasë, Rama: Vepër historike, do ta ndryshojë udhëtimin drejt jugut
Aktuale
July 05, 2024 - 09:00
Sot do të hapet tuneli i Llogarasë, i cili pritet të shkurtojë distancën nga Dukati në Palasë nga 30 minuta në vetëm 7 minuta dhe do të ketë një gjatësi prej afro 6 kilometrash.
Në një postim në Facebook, kryeministri Edi Rama tha se kjo është një vepër historike që do të ndryshojë përgjithmonë udhëtimin drejt jugut.
“Mirëmëngjesi dhe me tunelin e Llogarasë, një nga veprat historike që do të ndryshojë përgjithmonë udhëtimin drejt jugut, ju uroj një ditë të mbarë!”, shkroi Rama.
Këtë sezon nuk do të aplikohet asnjë tarifë për automjetet, të cilat do të kalojnë përmes tunelit.
