Sot i jepet lamtumira e fundit gjigantit të letërsisë shqipe, Ismail Kadare

Sot i jepet lamtumira e fundit gjigantit të letërsisë shqipe, Ismail Kadare

Aktuale July 03, 2024 - 08:19

Sot do të bëhet varrimi i shkrimtarit më të madh shqiptar, Ismail Kadare, i cili vdiq të hënën në mëngjes në Tiranë.

Homazhet publike dhe ceremonia shtetërore do të organizohen në mjediset e Teatrit të Operës dhe Baletit dhe Ansamblin Popullor ditën e mërkurë, më 3 korrik, nga ora 09:00-11:00 dhe 11:30 deri në 13:30.

Shkrimtari i madh shqiptar Ismail Kadare u nda nga jeta mëngjesin e 1 korrikut, në moshën 88-vjeçare, duke lënë pas tij një pasuri të madhe letrare, që është përkthyer në 45 gjuhë të botës.

Kadareja është vlerësuar me një sërë çmimesh ndërkombëtare për veprat e tij.

Vitin e kaluar presidenti francez Emmanuel Macron ia dha atij titullin “Oficeri i Madh i Legjionit të Nderit” gjatë një vizite të presidentit francez në kryeqytetin shqiptar.