![Gjithandej Kosovës, po ndërtohen shtëpi për komunitetin joshumicë](/uploads/zeri.info/images/2024/June/28/auto_Kryeministri-Albin-Kurti-dhe-ministri-i-Administrimit-dhe-Pushtetit-Lokal-Elbert-Krasniqi1719601083.jpg)
Gjithandej Kosovës, po ndërtohen shtëpi për komunitetin joshumicë
Në komunat e Kosovës, po ndërtohen gjithandej shtëpi të reja për komunitetet joshumicë.
Kështu tha edhe ministri i Administrimit dhe Pushtetit Lokal, Elbert Krasniqi, në një postim në Facebook, përcjell Klankosova.tv.
Krasniqi, bashkë me kryeministrin Albin Kurti, vunë gurthemelet tek shtëpia e zonjës Bleranda Bajramaj nga komuniteti egjiptian, e cila ka jetuar në kushte të rënda ekonomike.
“Gjithandej në komunat e Kosovës, po ndërtohen shtëpi të reja për komunitetet jo shumicë. Nga thirrja e MAPL-së për ndërtimin e shtëpive, kësaj radhe së bashku me Kryeministrin Albin Kurti, vumë gurthemelet tek shtëpia e zonjës Bleranda Bajramaj nga komuniteti egjiptian, e cila ka jetuar në kushte të rënda ekonomike. Banimi i qëndrueshëm dhe i sigurt është një nga programet i cili i ka ndihmuar drejtpërdrejtë qytetarët tanë”, shkruan Krasniqi.