![Reagon BE-ja pas ndalimit të “Mirëdita, dobar dan” : Zhgënjyese](/uploads/zeri.info/images/2024/June/27/auto_auto_Flamurat-BE-Kosove-12_maj_2020a-Laura_Hasani_copy17174885981719521705.jpg)
Reagon BE-ja pas ndalimit të “Mirëdita, dobar dan” : Zhgënjyese
Zyra e Bashkimit Evropian në Serbi ka reaguar pasi u ndalua mbajtja e festivalit ‘Mirdita, dobar dan’.
Në rrjetin social “X”, ata kanë theksuar se është zhgënjyese se si ky festival që mbahet që nga viti 2014, e që po ashtu është i financuar nga BE’ja, u ndalua sot.
Kjo iniciativë sipas tyre, është pjesë e rëndësishme e normalizimit mes dy vendeve.
“Zhgënjyese kur mësuam se festivali “Mirëdita, Dobar Dan” i financuar nga BE-ja, që zhvillohet që nga viti 2014, u ndalua sot. Kjo iniciativë e lavdërueshme e OSHC-ve ndërton ura ndërmjet popujve, një pjesë e rëndësishme e përpjekjeve të normalizimit Beograd-Prishtinë”, thuhet në reagimin Zyrës së BE-së në Beograd.
Lidhur me ndalimin e këtij festivali, kanë reaguar edhe shoqëria civile dhe partitë proevropiane, të cilët kërkojne që festivali të mbahet. Ata kanë kritikuar institucionet shtetërore për shkeljet ligjore.