Sveçla për gjetjen e kamerave në veri: Serbia i monitoronte qytetarët e institucionet tona të sigurisë

Ministri i Punëve të Brendshme, Xhelal Sveçla, ka reaguar pasi sot janë identifikuar dhe sekuestruar dy kamera të kamufluara në dy lokacione dhe pajisje të tjera ndihmëse të komunikimit.

Sveçla tha se nga këto dy kamera dhe pajisje të komunikimit, institucionet e Serbisë kanë monitoruar lëvizjet e qytetarëve, zyrtarëve të institucioneve të Kosovës dhe institucioneve ndërkombëtare që veprojnë në vend.

“Sot janë identifikuar dhe sekuestruar dy kamera të kamufluara në dy lokacione dhe pajisje të tjera ndihmëse të komunikimit, nga të cilat institucionet e Serbisë kanë monitoruar lëvizjet e qytetarëve, zyrtarëve të institucioneve tona të sigurisë dhe institucioneve ndërkombëtare që veprojnë në vendin tonë”.

“Koha e kontrollit të veriut të vendit tonë nga strukturat kriminale e terroriste të Serbisë ka përfunduar. Rendi dhe ligji do të mbizotërojnë si çdo kund në Republikën tonë”, tha Sveçla.

Dje, Prokuroria Speciale e ka ndaluar një person në Mitrovicë për veprimtari spinuazhi.

Klankosova.tv ka mësuar se personi i arrestuar është i nacionalitetit serb, i cili më herët ka qenë polic i Kosovës.