Hoxhaj: S’pres asgjë nga takimi Kurti – Vuçiq, spektakël i Borrellit

Ish-ministri i Punëve të Jashtme, Enver Hoxhaj, ka thënë se nuk pret asgjë nga takimi i sotëm mes kryeministrit të Kosovës, Albin Kurti dhe presidentit të Serbisë, Aleksandër Vuçiq.

Madje, ai citohet ta ketë komentuar këtë si “spektakël të Josep Borrell”.

‘’Unë nuk kam asnjë pritje që ky takim do të sjellë ndonjë dinamikë të re mes Kosovës dhe Serbisë dhe as të normalizimit të marrëdhënieve ndër shtetërore, është vetëm një spektakël i Josef Borrellit, i cili e ka takimin e fundit të tij si Përfaqësues i Lartë i BE-së dhe ky është qëllimi final i takimit dhe asgjë më shumë”,citohet të ketë ai për Front Online.

Ai madje, ka cituar informacione nga Brukseli, duke thënë se qëllimi i të njëjtit është të ketë spektakël nga Borrell.

“E them në bazë të informatave që kam nga Brukseli se qëllimi i takimit të sotëm është spektakël nga Borrell”, ka thënë ai.