AGK-ja me telegram ngushëllimi me rastin e vdekjes së gazetarit Isuf Kadriu
Aktuale
June 24, 2024 - 11:16
Gjatë ditës së djeshme ka vdekur gazetari shqiptar nga Maqedonia e Veriut, Isuf Kadriu.
Asociacioni i Gazetarëve të Kosovës (AGK) u ka shprehur ngushëllime familjarëve e kolegëve të Kadriut.
Njoftimi i plotë i AGK-së, pa ndërhyrje:
Telegram ngushëllimi për vdekjen e gazetarit Isuf Kadriu
Asociacioni i Gazetarëve të Kosovës me pikëllim të thellë ka marrë lajmin për vdekjen e gazetarit të njohur shumëvjeçar, Isuf Kadriu.
Kadriu ka filluar karrierën në vitin 1998 në Televizionin Era, për ta vazhduar në televizionin e Maqedonisë Veriore, Alsat M, ka qenë korrespondent i Radio Evropa e Lirë në Shkup të Maqedonisë Veriore, që nga viti 2001.
Asociacioni i Gazetarëve të Kosovës u shpreh ngushëllime familjarëve, miqve dhe kolegëve të gazetarit Kadriu.
