![Kurti udhëton për në Mbretërinë e Bashkuar](/uploads/zeri.info/images/2024/May/15/auto_Albin_Kurti_para_takimit_me_kryetarin_e_PDK-se_Memli_Krasniqi-13_maj_2024dh-Laura_Hasani_copy1715770968.jpg)
Kurti udhëton për në Mbretërinë e Bashkuar
Aktuale
May 22, 2024 - 17:07
Kryeministri i Kosovës, Albin Kurti, ka udhëtuar për në Mbretërinë e Bashkuar.
Atje, ai do të marrë pjesë nesër në Konferencën e Mbrojtjes në Londër, ku edhe do të jetë folës kryesor, ka njoftuar Qeveria, transmeton Zeri.info.
“Aty do të zhvillojë një takim bilateral me Sekretarin e Punëve të Jashtme të Mbretërisë së Bashkuar, David Cameron, i cili gjithashtu do të marrë pjesë në këtë konferencë”
“Gjatë qëndrimit në Mbretërinë e Bashkuar, kryeministri Kurti do të zhvillojë takime edhe në Parlamentin britanik, si dhe do të ketë një bashkëbisedim me Drejtuesen Ekzekutive të Institutit ODI (Overseas Development Institute), Sara Pantuliano, për 25-vjetorin e përfundimit të luftës dhe çlirimit të Kosovës”, thuhet në njoftim. /Zëri