Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre

Kanë vazhduar reagimet dhe kritikat e deputetëve gjermanë për mospërfshirjen e Kosovës në rendin e ditës në Komitetin e Ministrave të Këshillit të Evropës. Të ashpër në reagimet e tyre kanë qenë edhe deputetët e Bundestagut, Knut Abraham dhe Michael Roth.

Abraham, përmes një postimi në platformën “X”, sikurse edhe deputetë të tjerë gjermanë ka kritikuar qeverinë e vendit të tij që nuk e ka mbështetur anëtarësimin e Kosovës në KiE.

“Mospranimi i Kosovës, pasi u plotësuan të gjitha kushtet, e dobëson besueshmërinë e KE-së. Nuk ka shumë për të festuar në këtë ditëlindje të 75-të, nëse Komiteti i Ministrave thjesht injoron Asamblenë Parlamentare të Këshillit të Evropës. Dhe derisa 13 shtete e kanë mbështetur Kosovën sot, Gjermania nuk e ka bërë”, ka shkruar Abraham.

I fully agree.

Not admitting ë, after all conditions were fulfilled, weakens the credibility of the @coe.

There is not much to celebrate on this 75th birthday, if the Committee of Ministers simply ignores PACE...

And while 13 countries supported Kosovo today, ë did not. https://t.co/pXRAm4M5Xc

— Knut Abraham, MdB (@Knut_Abraham) May 17, 2024

Ndërsa, deputeti tjetër, Michael Roth, ka thënë se Evropa po e humb ndikimin në Ballkanin perëndimor, kurse Kina dhe Rusia po fitojnë terren.

“Ndyrësirë. Evropa do të humbasë gjithnjë e më shumë ndikim në Ballkanin Perëndimor. Situata po përkeqësohet. Nacionalizmi, autoritarizmi, ndikimi në rritje i Kinës dhe Rusisë në rajon janë një kërcënim. Lidershipi dhe guximi kanë rëndësi. Këshilli i Evropës nuk do të jetë i plotë pa Kosovën”, ka shkruar Roth, në platformën “X”.

Shit! Europe is going to lose more and more leverage in the Western Balkans. The situation is getting worse. Nationalism, authoritarism, rising ë and ë influence in the region are a threat. Leadership and courage matter.
Council of Europe won’t be complete without Kosovo. ë

— Michael Roth - official ë (@MiRo_SPD) May 17, 2024

Ndaj qëndrimit të Qeverisë gjermane për mospërfshirjen e Kosovës në mbledhjen e Komitetit të Ministrave të KiE, ka reaguar edhe deputeti socialdemokrat, Frank Schwabe.

Ky i fundit ishte angazhuar të siguronte 2/3 e votave për Kosovën në Asamblenë Parlamentare të Këshillit të Evropës, përmes një postimi në platformën X, ka thënë se në takimin e javës së ardhshme të Komitetit të Përhershëm të KiE do të diskutohen hapat e mëtejshëm

“Dështimi i qeverisë [gjermane] për të pranuar sot Kosovën në Këshillin e Evropës pas miratimit mbi 80 për qind në Asamblenë Parlamentare është një gabim i rëndë. Kosova i përmbush obligimet e përcaktuara nga Asambleja Parlamentare”, ka shkruar Schwabe, transmeton Telegrafi.

Më tej ai ka thënë se “Këshilli i Evropës nuk duhet të lejojë që të diktohet nga Donald Trump dhe Richard Grenell. Komiteti i Ministrave të qeverive i detyrohet Asamblesë Parlamentare një shpjegim dhe një propozim për një afat kohor dhe një rrugë përpara”.

“Ne do të diskutojmë hapat e mëtejshëm në Komitetin e Përhershëm në Vilnus [Lituani] javën e ardhshme. Faleminderit atyre që kanë ndërmarrë hapa të guximshëm dhe besojnë në fuqinë e Këshillit të Evropës. E ardhmja është me ata që janë të guximshëm”, ka shkruar deputeti gjerman Schwabe.

Gjermania, së bashku me shtetet e tjera të QUINT-it kanë kërkuar që Kosova të bëjnë hapa konkretë drejt themelimit të Asociacionit, në mënyrë që të arrihet mbështetja e shumicës së anëtarëve në Komitetin e Ministrave të KiE-së për pranimin e saj në këtë organizatë.

Ndaj, qëndrimit të Qeverisë gjermane, ka reaguar të enjten edhe eurodeputeti gjerman, Reinhard Bütikofer, i cili e ka quajtur këtë veprim si një gabim i keq.

“Më vjen shumë keq për qeverinë time gjermane, në të cilën Ministrja e Jashtme, Ana Baerbock, që  është nga partia ime, mori këtë vendim strategjikisht të gabuar për të frustruar dëshirën e Kosovës për të ecur përpara me integrimin hap pas hapi në institucionet evropiane. Gabim i keq!”, ka shkruar eurodeputeti gjerman, në platformën “X”, transmeton Telegrafi.

Ndryshe, gjatës së enjte në Bundestagun gjerman u diskutua mes tjerash edhe për çështjen e anëtarësimit të Kosovës në Këshillin e Evropës.

Shefja e diplomacisë gjermane, Annalena Baerbock, para deputetëve e bëri të qartë se Gjermania e mbështet fuqishëm Kosovën në këtë proces.

“Jam mirënjohëse për punën intensive të deputetëve gjerman. U bëj thirrje të gjithë të përfshirëve dhe Kosovës të bëjnë gjithçka që është në fuqinë e tyre për të arritur shumicën e nevojshme për anëtarësim sa më shpejt të jetë e mundur”, tha diplomatja gjermane.

Në agjendën e takimit të Komitetit të Ministrave, që mbahet më 17 maj, sipas ueb-faqes zyrtare të KiE-së, nuk u përfshi votimi për pranimin e Kosovës në këtë organizatë për të drejtat e njeriut.

Kosova veçse ka kaluar dy faza në procesin e pranimit në këtë organizatë, dhe Komiteti i Ministrave është ai që vendos nëse një shtet do të pranohet ose jo në Këshillin e Evropës.

Pas kalimit të rekomandimit për pranimin e Kosovës në Asamblenë Parlamentare të KiE-së, disa shtete vendosën kusht që Kosova të themelojë Asociacionin e komunave me shumicë serbe nëse dëshiron të bëhet anëtare e organizatës me seli në Strasburg. /Telegrafi/