SHBA-ja mirëpret vendimin për kalim nga patentat ilegale të shoferëve në RKS
Ambasadori amerikan Jeff Hovenier ka mirëpritur vendimin e Ministrisë së Punëve të Brendshme, që mundëson kalimin nga patentat e shoferit të lëshuara nga institucionet ilegale serbe në Kosovë në ato zyrtare, të lëshuara nga institucionet e Republikës së Kosovës.
Hovenieri në një postim në “X” ka shkruar se SHBA-ja mbështet përpjekjet që mundësojnë integrimin e mëtejshëm.
“Shtetet e Bashkuara mirëpresin vendimin e Qeverisë së Kosovës për të lehtësuar dhënien e patentë shoferëve kosovarë për të gjithë qytetarët e Kosovës. Ne mbështesim përpjekjet që mundësojnë integrimin e mëtejshëm dhe avancojnë vizionin tonë të përbashkët për një Kosovë gjithëpërfshirëse, multietnike”, shkroi Hovenieri.
Ndryshe, MPB-ja ka njoftuar se kalimi në patentë shoferi të RKS-së mundëson regjistrimin e lehtë dhe praktik të automjeteve.
Vendimi hyn në fuqi më 9 maj dhe është valid deri më 9 gusht 2024.
The United States welcomes the Kosovan government decision to facilitate the issuance of Kosovan driver’s licenses to all citizens of Kosovo. We support efforts that enable further integration and advance our shared vision of an inclusive, multiethnic Kosovo.
— Ambassador Jeff Hovenier (@USAmbKosovo) May 8, 2024