Zemaj: Qeveria “Kurti” nuk e respekton opozitën, kjo është e rrezikshme për vendin
Deputeti i LDK-së, Armend Zemaj, ka thënë se Qeveria Kurti nuk e respekton opozitën e Kuvendit të Kosovës.
Zemaj ka deklaruar se Kosova mund të mbetet mbrapa në proceset e saj integruese euroatlantike nëse vazhdon Lëvizja Vetëvendosje të qeverisë me këtë metodë që e ka deri tani.
“Një parti e cila e ka totalitarizmin, një parti e cila e ka në logjikën e saj që të qeverisë e vetme në Kosovë dhe e cila nuk respekton opozitën ajo është e rrezikshme për shtetin dhe kjo është e rrezikshme për të ardhmen e saj”, ka thënë ai për Klan Kosova.
“Kështu shtetet tjera kanë përfunduar në anarki, kështu shtetet tjera me 20 apo 30 vite e kanë lënë mbrapa vendin e tyre në integrime edhe në anëtarësime, ne në atë që e kemi udhërrëfim perëndimor dhe atë atlantik”, ka thënë Zemaj.
