Lajçaku fatkeqësi për dialogun, thotë eurodeputeti Butikofer
Deputeti i Parlamentit Evropian, Reinhard Butikofer, ka dhënë qëndrimin e tij në lidhje me punën disavjeçare të Miroslav Lajçakut si ndërmjetës i Bashkimit Evropian për dialogun Kosovë - Serbi.
Butikoferi ka thënë se Lajçaku ka qenë një fatkeqësi, raporton Zeri.info.
“Lajçaku ka qenë një fatkeqësi e pazbutur në punën e tij të mëparshme”, ka shkruar ai në Twitter, duke folur për raportimet se diplomati sllovak do të marrë pozitë të re pas zgjedhjeve evropiane.
Ai më tej u shpreh se shpreson që të njëjtën gjë nuk do ta bëjë edhe në marrëdhëniet mes Zvicrës dhe BE-së, pasi ai do të jetë ambasador atje.
“Shpresoj që ai nuk do t’i turbullojë edhe marrëdhëniet në mes të Zvicrës dhe Bashkimit Evropian”, vijon shkrimi i tij. /Zëri
#Lajcak has been an unmitigated desaster in his previous job. Hope he does not mess up relations between Switzerland and EU, too. https://t.co/l4MWijWOMX
— Reinhard Bütikofer (@bueti) April 4, 2024