Kurti: KE-ja konfirmoi sot se Kosova i ka përmbushur kushtet për anëtarësim
Kryeministri Albin Kurti, ka reaguar pasi komisioni për politikë dhe demokraci i Këshillit të Evropës, ka miratuar raportin për anëtarësimin e Kosovës të prezantuar nga raportuesja Dora Bakojanis.
Kurti ka thënë se opinioni konfirmon përmbushjen e të gjitha parakushteve të anëtarësimit nga ana e Kosovës dhe rekomandon t’i bëhet ftesë Kosovës që t’i bashkohet KE-së, transmeton Zeri.info.
“Sot Komisioni për politikë dhe demokraci i Asamblesë Parlamentare të Këshillit të Evropës ka bërë një hap të rëndësishëm përpara për Kosovën. Opinioni konfirmon përmbushjen e të gjitha parakushteve të anëtarësimit nga ana e Kosovës dhe rekomandon t’i bëhet ftesë Kosovës që t’i bashkohet Këshillit të Evropës si si shtet anëtar”, ka shkruar Kurti.
Asambleja Parlamentare e Këshillit të Evropës do të votojë Opinionin në muajin prill.
Kujtojmë se raporti i Bakonaisit sot ka marrë 31 vota për dhe 4 kundër. /Zëri
Today, @PACE_Political has taken a significant stride forward for Kosova. The Opinion confirms Kosova's fulfillment of all membership prerequisites and recommends extending an invitation for Kosova to join the @coe as a member state. @PACE_News will vote on the Opinion in April.
— Albin Kurti (@albinkurti) March 27, 2024