![Rashiq: Mund të ketë konferencë ndërkombëtare për marrëveshje Kosovë-Serbi](/uploads/zeri.info/images/2024/January/04/auto_Nenad_Rashiq-konf-26_prill_2023-Laura_Hasani_copy1704367527.jpg)
Rashiq: Mund të ketë konferencë ndërkombëtare për marrëveshje Kosovë-Serbi
Ministri për Komunitetet dhe Kthim në Qeverinë e Kosovës, Nenad Rashiq ka thënë se dialogu mes Kosovës dhe Serbisë sipas tij, do të përmbyllet me një konferencë me marrëveshje finale.
Rashiq tha se kjo do të ndodhë për shkak se siç tha ai, diplomatët do ta humbin durimin me palët në dialog.
“Unë konsideroj që nëse vazhdohet kështu me diplomaci kjo mund të zgjatet shumë dhe pasi që e kemi përmend dhe letrën e Macronit, ne e dimë të gjithë që ata diplomat e humbin durimin me Kosovën dhe Serbinë, ku tërë kohën duke negociu me zbatimin e njëpjesshëm ose me akuza ndaj njëri tjetrit. Kështu që fatkeqësisht është reale që mund të ketë një konferencë të tillë e cila do ta përmbyllte me një marrëveshje. Dhe unë para disa viteve kamë pasë një konferencë ku edhe pse e di që bashkëqytetarët tanë nuk kanë dëshirë që të dëgjojnë një gjë të tillë”, tha Rashiq në Tëvë1.