![Kurti takon ish-presidentin Sejdiu dhe ish-shefin e UNMIK-ut, Rucker](/uploads/zeri.info/images/2024/February/14/auto_ZKM_-_14_2_2024_1_11707943139.jpg)
Kurti takon ish-presidentin Sejdiu dhe ish-shefin e UNMIK-ut, Rucker
Kryeministri i Kosovës, Albin Kurti, priti në një takim diplomatin gjerman dhe ish-drejtuesin e UNMIK-ut, Joachim Rucker, dhe ish-presidentin e Kosovës, Fatmir Sejdiu.
Gjatë takimit, Sejdiu e informoi kryeministrin për lançimin e autobiografisë së tij të titulluar "Ora e Kosovës", një vepër që rrëfen përvojat dhe sfidat në udhëheqjen e vendit.
![Image](https://zeri.info/uploads/zeri.info/images/2024/February/14/auto_ZKM_-_14_2_2024_2_11707943137.jpg)
Në vijim, Sejdiu dhe Rucker ndanë me kryeministrin detaje rreth ligjëratës që ata mbajtën në Universitetin e Prishtinës, duke u fokusuar në rëndësinë e arsimit dhe ngritjes së brezave të rinj.
Nga ana e tij, kryeministri Kurti vlerësoi lart kontributin dhe rolin e Gjermanisë në zhvillimin dhe konsolidimin e shtetit të Kosovës.
![Image](https://zeri.info/uploads/zeri.info/images/2024/February/14/auto_ZKM_-_14_2_2024_3_11707943136.jpg)
Temë tjetër e diskutimit ishin dhe zhvillimet aktuale dhe sfidat me të cilat përballet vendi, veçanërisht në kontekstin e dialogut me Serbinë. Kryeministri Kurti theksoi angazhimin e qeverisë për të avancuar në këtë proces, në normalizimin e marrëdhënieve me njohjen reciproke në qendër, duke ruajtur interesat shtetërore dhe duke promovuar stabilitetin e paqen në rajon. /Zeri.info/
![Image](https://zeri.info/uploads/zeri.info/images/2024/February/14/auto_ZKM_-_14_2_2024_6_11707943133.jpg)